مع حلول الذكرى الاربعين لنكسة يونيو ( حزيران ) او كما يطلق عليها الصهاينة حرب الايام السته ارجو ان نكون استوعبنا الدرس جيدا وان نعقد مقارنة و لو بسيطة بين حال مصر قبل النكسة و حالنا اليوم ,, فحالنا كمصريين لم يختلف كثيرا عن الحال قبل النكسة ,, قهر واستبداد وقمع كل صاحب راى حر و بطالة وشباب ضائع الى جانب تعديلات دستورية اشد من حكم قرارقوش وقانون ارهاب يرهب كل معارض او مخالف ,, المهم لن اطيل عليكم كل ما خطر ببالى عندما تذكرت هذا التاريخ الاسود من حياتنا كشعب مصرى هو قصيدة الدرس انتهى التى كتبها الشاعر صلاح جاهين بعد نكسة يونيو ,,, وفعلا الدرس انتهى و القادم فى علم الله وحده وياريت يستوبوا الدرس حتى لا يتكرر مرة اخرى,,,, اقراوا الدرس
الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
فى دنيا فيها النور بقى طيف
وساكتة على فعل الأباليـس
ويلمع لمعة شمـس الصيف
الدرس انتهى00 لموا الكراريس
2 comments:
بعد السلام والتحية
مع أحترامى للموضوع بس فى رأيى ان احنا فى وقت محتاجين فية اننا نفكر نفسنا بأشياء تشجعناومواقف تدفعنا للأمام مش بمواقف تقهرنا أكتر ما أحنا مقهورين وكفاية انة حاليا فى مصر فى ناس بتنتحر من الفقر.
والسلام ختام
دينا المغازى
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Servidor, I hope you enjoy. The address is http://servidor-brasil.blogspot.com. A hug.
Post a Comment